Aprendemos varias cousas: O primeiro é que o bicarbonato de sodio e o vinagre son moi contrarios e cando os xuntamos se produce un gas chamado CO2 ( dióxido de carbono) que é ese gas que os seres vivos botamos o respirar. Fixemos varios experimentos para ver os efectos que produce: a) Mesturamos bicarbonato de sodio e vinagre en diferentes cantidades para ver a cantidade de gas que producían. Collemos 3 botellas de 50 cl e mesturamos diferentes cantidades de reactivos ( bicarbonato de sodio e vinagre). Puxémoslle un globo par recoller o gas e vimos que cantos máis reactivos botáramos, máis gas se produce. b) Usamos ese gas para botarllo encima das candeas prendidas e vimos que cando lle botábamos o gas que saía do globo, as candeas se apagaban. c) Botamos ese gas dentro dun vaso de precipitados e logo, collemos unha candea con pinzas e a metemos dentro do vaso pero de seguida a candea se apagaba. Chegamos á conclusión de que as candeas necesitan osíxeno para acenderse e o botarlle dióxido de carbono enriba, este gas é máis denso que o osíxeno e fai que se desprace ó fondo do vaso. Por iso cando estamos metendo a candea no vaso, non hai osíxeno senón dióxido de carbono e así a candea non arde.
Ao longo deste reto aprendemos moitas cousas relacionadas con campos electromagnéticos, é dicir, a relación entre a electricidade e o electromagnetismo. Aprendemos a facer circuítos eléctricos, para iso precisamos dunha pila, unha lámpada, un soporte para a lámpada, uns cables condutores da electricidade e pinzas de crocodilo. Respecto a súa elaboración, puxemos as pinzas de crocodilo no polo positivo e negativo da pila e a corrente eléctrica desprázase continuamente dun polo ata outro (se o cable non esta interrompido). Ademais, relacionamos esta aprendizaxe coa nosa vida diaria, comprendendo como funciona a electricidade nas nosas casas. Por outra banda, tamén aprendemos que o compas sempre apunta ao norte porque é atraído por el. Cando a ese compás lle poñemos cerca un circuíto grande eléctrico, a súa agulla non comeza a dar continuamente voltas, xa que a corrente eléctrica inflúe no compás (atráense, move o compás e este deixa de apuntar ao norte).
Neste experimento comprobamos que o Sol nos envía raios térmicos. Xa comprobamos cun disco de Newton que a luz branca non é tan branca, senón que ten 7 cores, os mesmos que o arco da vella e tamén que vemos os obxectos de cores diferentes porque estes obxectos absorben as cores que non teñen : vemos vermella unha mazá porque colleu todas as cores da luz, agás a vermella porque xa ten esa cor. Enchemos varios globos de distintas cores e puxemos unha lupa en línea directa co Sol. Vimos como algúns globos estoupaban moi pronto e outros non. Comprobamos que dependía da cor: o negro estoupaba rapidísimo porque se queda con todos os raios das distintas cores e polo tanto absorbe máis raios térmicos. As cores escuras estoupaban máis rápido e as claras tardaban máis. Con isto, aprendemos que no verán debemos de traer roupa branca ou clara para que non absorba todos os raios do Sol, mentres que no inverno, é mellor a roupa escura.
Con este experimento aprendemos que a luz do Sol ten moitos tipos de raios, aínda que non os vexamos sabemos que existen ó facer algúns experimentos. Comprobamos que a luz branca non é tan branca, pois está dividida en 7 cores. Para ver isto utilizamos un disco de Newton, que é un círculo dividido en 7 cores e que facemos xirar para comprobar como se mesturan esas cores e soamente vemos unha, o branco. Con un prisma que puxemos cara o Sol, vemos como a luz solar ó atravesar o prisma se dividía en 7 cores, os mesmos que os do arco da vella. Sacamos a conclusión de que o branco non é unha cor senón que é a mestura de 7 cores. Tamén comprobamos a existencia doutros raios que non vemos cos nosos ollos pero si que os podemos ver utilizando unha cámara fotográfica cando pulsamos o mando da tele. O caso dos raios ultravioleta deixounos moi impresionados porque comprobamos a importancia de usar cremas solares de protector alto. Aprendemos moitas cousas sobre os raios do Sol, sobre todo sobre o que non podemos ver cos nosos ollos pero sabemos que existen facendo algúns experimentos.
Pasámolo moi ben facendo os retos de Misión Alba, aprendemos moitas cousas de diferentes materias porque foron 4 retos moi diferentes: 1.- O misterio das velas que se apagan soas. Este reto ensinounos moito sobre o comportamento de dous gases fundamentais para a vida: o CO2 e o osíxeno 2.- O segunda reto trata das forzas. Fixemos experimentos con circuítos eléctricos e con imáns 3.- No terceiro reto comprobamos coma os raios do Sol non son todos iguais, ademais da luz branca tamén ten raios térmicos que nos dan calor 4.- No cuarto reto fixemos varios experimentos para comprobar outros raios que nos envía o Sol: os raios UVA e quedounos moi claro que é moi necesario utilizar cremas solares de protección alta para evitar o dano que nos poden facer estes raios UVA. Ó facer estes retos, aprendemos moitas cousas de ciencia e axudounos a preparar os experimentos que fixemos para a Expociencia e a Galiciencia Moitas grazas ós científicos de Sincrotrón Alba e esperamos que nos propoñan máis retos para o próximo curso
Utilitzem cookies pròpies i de tercers per a finalitats analítiques i tècniques; tractant dades necessàries per a l'elaboració de perfils basats en els teus hàbits de navegació.
Pots obtenir més informació i configurar les teves preferències des de 'Configuració de cookies'.
Tornar 