Neste reto nos sentimos fascinados co que podía facer a luz, descubrimos o que é a reflexión e a refracción da luz e como se comporta ó atravesar diferentes medios. Vimos como se comportaba ó atravesar ós orbeez e cando lle botamos auga, desaparecen e a luz se comporta de xeito diferente. Xogamos cun raio láser para enfocar nun recipiente con auga, enfocando con diferentes ángulos para ver como saía da auga ó aire e tamén como volvía a entrar na auga. Así entendemos perfectamente como funciona a fibra nas comunicacións que chegan ata as nosas casas.

Usamos a mesma caixa que do reto anterior. Pintámola de negro e puxemos unha lupa por diante do burato que fixéramos na caixa. Collemos un obxecto e enfocámolo cunha luz, fomos xogando coa luz ata atopar o punto exacto no que o obxecto reflexábase no papel pero ó revés. Con este experimento vemos o funcionamento do ollo humano.

Con Misión Alba aprendemos moitas cousas e encantáronnos os desafíos que nos puxestes . Aprendemos moito sobre as propiedades da luz: a refracción e reflexión; tamén como aproveitar esas propiedades. O reto que máis nos gustou foi o de “Iluminar a escuridade” , como facer unha lámpada de Moser, porque a maiores de ser creativo apórtanos a posibilidade de reciclar materiais, innovar no deseño de vivendas ou de outros espazos e aportar posibilidades de iluminación en vivendas onde non chega a electricidade ou simplemente non poden pagar o seu custo. Moitas grazas a todos os científicos de Misión Alba por aportarnos tantas emocións e por tratarnos tan ben ó considerar que os alumnos/as de 6º tamén podemos facer ciencia. Unha aperta para todos/as e esperamos vernos pronto